bjb

Carita Rayat Bekasi: Sasakala Cibarusah

Masjid Al Mujahidin di kampung Babakan Desa Cibarusah Kota. (Foto: Net)

JABARNEWS | BEKASI – Di sisi jalan gedé di Cibarusah aya masjid anu katelah Masjid Al-Mujahidin. Perenahna di Kampung Babakan Cibarusah, anu ku urang dinyana mah sok disingget KBC. Masjid anu kawilang kahot, sarta disebut-sebut masjid munggaran anu aya di wewengkon Bekasi. Malah ceuk carita rayat di dinya mah raket patalina jeung asal-usul ngaran Cibarusah. Caritana kieu:

Tadina mah anu ayeuna disebut Jakarta téh ngaranna Sunda Kalapa, bawahan Karajaan Sunda. Sabada kacangking ku Fatahillah atawa Fadillah Khan, tanggal 22 Juni 1527, ngaranna diganti jadi Jayakarta anu ngandung harti “kaunggulan nu sampurna” atawa “unggul tur mamur”. Tina Jayakarta, lila-lila robah jadi Jakarta. Anu matak tanggal 22 Juni dijadikeun Milangkala Kota Jakarta.



Fadillah Khan diangkat jadi pamingpin di Jayakarta kalawan gelarna adipati, nepi ka maotna taun 1570. Saterusna jabatan Adipati Jayakarta dicangking ku Ki Bagus Angké nepi ka taun 1596. Ki Bagus Angké diganti ku Pangéran Jayakarta Wijayakrama. Dina mangsa pamaréntahan Pangéran Jayakarta, taun 1619, Kumpeni (VOC) nyerang Jayakarta. Jayakarta dikepung sarta digempur ku pasukan Kumpeni. Jayakarta kacangking ku Kumpeni sarta diganti ngaranna jadi Batavia, anu ku létah bangsa urang mah disebut Batawi.

Waktu Jayakarta kadéséh ku Kumpeni, Pangéran Jayakarta Wijayakrama maréntah anaknya, nya éta Pangéran Sénapati pikeun ngalolos ti Jayakarta. Maksudna pikeun ngawangun pertahanan di wewengkon basisir jeung pasisian, sangkan bisa neruskeun perjoangan ngalawan Kumpeni.
Halaman selanjutnya
Tags : Asal Usul Cibarusah Kampung Babakan Cibarusah Masjid Al-Mujahidin Sunda Kalapa Jayakarta Pangéran Jayakarta Wijayakrama Batavia Pangéran Sénapati Jabarnews Berita Jawa Barat Berita Terkini Berita Lokal Berita Hiperlokal

berita terkait

SEREMONIA







Persib

Berita Populer

Berita Terkini

Mang Jabar

jabarnews tv

tag populer

unduh aplikasi