JMN Channel


Upacara Adat Kawin di Priangan Baheula

Sawer panganten di panyaweran. (Foto: Depokpos)

JABARNEWS | PURWAKARTA - Upacara adat kawin di Priangan baheula, aya anu béda jeung ayeuna. Upamana baé dina mapag pangantén lalaki. Baheula mah sok aya acara “Parebut Sééng”. Petana dua lalaki, hiji wawakil ti pihak lalaki, hiji deui wawakil ti pihak awéwé. Penca bari ngakod sééng. Tangtu wé dipirig ku kendang penca. Tuluy merebutkeun sééng bari metakeun jurus-jurus penca

Ayeuna mah geus euweuh acara “Parebut Sééng” téh. Mapag pangantén lalaki diganti ku Léngsér. Éta kaasup adat anyar, anu muncul kira-kira ahir taun 1960-an. Léngsér dibarengan ku satria nu mawa songsong kuning (payung konéng) diaping ku putri pangiring bari ngibing. Sakapeung mah lengkep jeung gulang-gulangna sagala bari mawa tumbak jeung taméng.

Baca Juga:

Pertumbuhan Kredit Komersial Bank Bjb Naik 18,8% Di Triwulan II 2021

Tiga Manfaat Kecipir Bagi Kesehatan, Bisa Perkuat Kekebalan Tubuh



Ditéma ku acara “Sérén Tampi”, nya éta nyérénkeun calon pangantén lalaki katut babawaanana, ditampa ku kulawarga calon pangantén awéwé. Réngsé éta kakara walimahan.Sabada walimahan upacara adat dimimitian deui ku “Sungkem”. Pangantén sungkem ka kolot-kolotna, boh kolot awéwé boh kolot lalaki.

Ti dinya diteruskeun kana “Sawér”. Biasana dilaksanakeun di luar, di lebah panyawéran. Pangantén nyanghareup kana lawang panto, ari nu nyawér nyanghareup ka buruan. Pangantén diuk dina korsi bari dipayungan, malah sakapeung mah aya nu dikipasan sagala.

Ngong anu nyawér téh ngahaleuangkeun sawér pangantén. Di satengahing ngahaleuangna, lung-lung wé atuh anu nyawér téh ngalung-ngalungkeun béas, duit, jeung konéng meunang nyiksikan. Sakapeung mah sok aya anu ditambahan ku és bonbon deuih.
Halaman selanjutnya 1 2 3
Tags : Upacara Adat Kawin Baheula Priangan Bahasa Sunda Jabarnews Berita Jawa Barat Berita Terkini Berita Lokal Berita Hiperlokal

berita terkait

JMN Channel

Persib

Berita Populer

Berita Terkini

Mang Jabar

tag populer

unduh aplikasi