aqua

Bebegig Sukamantri, Ragag-Rigig Seni Hélaran ti Ciamis

Bebegig Sukamantri ragag-rigig dina acara helaran (Foto: Budaya Jawa)

Penulis: Budi Rahayu Tamsyah

Ngadéngé kecap bebegig, anu kabayang téh jejelemaan tina jarami diterapan baju rubag-rabig jeung didudukuyan anu sok aya di sawah. Paranti nyingsieunan manuk sangkan ulah ngahakanan paré anu rék dibuat. Anu matak sok disebut bebegig sawah. Tapi béda geuning jeung bebegig Sukamantri mah.



Bebegig Sukamantri, keur nu anyar nempo mah moal teu matak hélok. Geura baé. Anu jadi bebegigna, jelema sawawa. Maké topéng. Laimaké meureun, leuwih pas disebut nyunyuhun. Da beuratna ogé leuwih ti 40 kilo, malah aya nu nepi ka 60 kilo cenah.

Rupana, jleg baé beungeut wayang pangsisina: buta héjo, buta beureum, buta kayas, buta hideung, malah aya buta térong ogé. Maké makuta. Tapi buukna ku injuk, dipasieup ku daun waregu, bubuay, hahampaan, jeung kembang keretas.

Awakna hideung, da mémang dibulen ku injuk. Lebah bujur digantélan ku kolotok munding. Sukuna maké génggé. Badis mahluk leuweung ti mana boa. Ragag-rigig dibarung ku sora kolotok jeung kélénéng génggé. Bisa meta dipirig ku musik naon baé. Lucu? Leuwih ti kitu. Malah aya sari-sari magis. Soal alami, éta mah geus pasti atuh.
Halaman selanjutnya 1 2 3
Tags : Kesenian Sunda Bebegig Sukamantri Ciamis Panjalu Bahasa Sunda Jabarnews Berita Jawa Barat Berita Terkini Berita Lokal Berita Hiperlokal

berita terkait

Persib

Berita Populer

Berita Terkini

Mang Jabar

jabarnews tv

tag populer

unduh aplikasi