bjb

Tukang Cukur ti Banyuresmi Sumebar ka Mana-mana

Kursus cukur rambut di Banyuresmi, Garut (Foto: bussinessite)

Rudi, Ketua Umum Persaudaraan Pangkas Rambut Garut (PPRG), nétélakeun yén kaparigelan urang Banyuresmi kana nyukur téh miboga sajarah anu panjang.

Baheula, cenah, jaman Kartosuwiryo, jaman gorombolan DI/TII, loba urang Banyuresmi anu ngungsi ka daérah séjén. Ari gerakan DI/TII pingpinan Kartosuwiryo, puseurna aya di Désa Cisampah, Kacamatan Awiligar, Kabupatén Tasikmalaya. Anu teu jauh ti Banyuresmi.

Baca Juga:

Jadi Buronan Kasus Penganiayaan, Anggota Geng Motor Diringkus Polisi

Terdampak Kekeringan, Lahan Pertanian di Garut Mulai Dilanda Kekeringan



Matak pantes mun urang Banyuresmi loba anu ngumbara ka lembur batur ogé, da lemburna teu aman. Mimitina mah urang Banyuresmi téh teu boga pacabakan séjén. Terus baé dialajar nyukur. Jaradi tukang cukur di lembur batur. Tug nepi ka kiwari.

Rudi kaasup salasaurang tukang cukur senior ti Banyuresmi, anu kiwari cekel gawé di daérah Pancoran, Jakarta Selatan.

Mimitina mah ngan saguliwek ti Désa Banyuresmi anu loba tukang cukur téh. Tapi kiwari mah geus sumebar ka daérah-daérah séjénna anu aya di Kacamatan Banyuresmi jeung sabudeureunana.

Tukang cukur ti Banyuresmi aya di mana-mana. Teu ngan saukur di kota-kota gedé di Pulo Jawa, tapi ogé sumebar ka alas peuntas, saperti ka Sumatera, Kalimantan, Sulawesi, Bali, jeung sajabana. Pokona mah geus sumebar sa-Nusantara.

Profési tukang cukur geus jadi lahan pangasilan anu bisa diandelkeun pikeun umumna urang Banyuresmi. Ayeuna baé, teu kurang ti 1500 urang tukang cukur anu asalna ti Banyuresmi.

Anu matak di Banyuresmi kiwari aya kursus kaparigelan nyukur. Malah diwuwuhan ku kaparigelan séjénna, saperti basa Inggris jeung basa Arab. Utamana mah basa Inggris, supaya bisa go internasional.

Éta kursus atawa pelatihan cukur rambut téh aya nu dikokolakeun ku pribadi, aya ogé anu dikokolakeun ku Bumdés Désa Banyuresmi, sarta geus meunang sertifikat ti Dinas Pendidikan Kabupatén Garut. (Red)

Rubrik Palataran diasuh ku budayawan Sunda, Kang Budi Rahayu Tamsyah
Halaman sebelumnya
Tags : Tukang Cukur Garut Kacamatan Banyuresmi Kabupaten Garut Bahasa Sunda Jabarnews Berita Terkini Berita Jawa Barat Berita Lokal Berita Hiperlokal

berita terkait

Penyebar Paham Sensen Presiden Indonesia Tidak Gila

Dua Kecelakaan Beruntun Terjadi di Garut Dalam Sehari

Persib

Berita Populer

Berita Terkini

Mang Jabar

jabarnews tv

tag populer

unduh aplikasi