Carita Rayat Subang: Sasakala Pamanukan

Basisir Pondok Bali di Pamanukan, Subang (Foto: Wartakini.co)

Dipindo catur ku: Budi Rahayu Tamsyah

Jaman baheula di daérah basisir kalér Pulo Jawa aya karajaan anu katelahna Karajaan Pilangsari. Kahirupan rayatna, henteu ari lubak-libuk mah, tapi cukup. Henteu kakurangan wé. Nyirikeun rayatna getol digarawé, boh patanina boh pamayangna.

Baca Juga:

Carita Rayat Garut: Sasakala Situ Bagendit

Carita Rayat Banten: Sasakala Selat Sunda



Karajaan Pilangsari boga raja anu wijaksana jeung pinter ngolah nagara. Raja Pilangsari kagungan kembang nagara anu ngan hiji-hijina, keur nincak rumaja, nya éta Milangsari.

Milangsari katelah kageulisanana ku saeusi nagara. Malah ahirna mah kageulisanana téh sumebar ka nagara-nagara tatangga. Kageulisan Milangsari jadi sabiwir hiji. Loba anu panasaran, siga kumaha ari Milangsari téh? Rabul ti suklakna ti siklukna hayang nyaho rupa Kembang Nagara Pilangsari.

Anu geus nénjo rupana, baralik ka nagarana bari jeung neundeun katineung, dibarung ku pangharepan kauntun tipung katambang béas ngapimilik Milangsari. Ti harita, rabul ka Nagara Pilangsari anu rék ngalamar. Nu hayang dipulung minantu, kitu deui anu ngajak bébésanan.
Halaman selanjutnya 1 2 3 4 5
Tags : Carita Rayat Dongeng Sasakala Pamanukan Kabupaten Subang Bahasa Sunda Jabarnews Berita Terkini Berita Jawa Barat Berita Lokal Berita Hiperlokal

berita terkait

Carita Rayat Bandung: Sasakala Gunung Geulis

Carita Rayat Purwakarta: Jonggrang Kalapitung

Persib

Berita Populer

Berita Terkini

Mang Jabar

jabarnews tv

tag populer

unduh aplikasi